Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Þorgerður fær enn kvíðaköst þegar hún hugsar um uppáhalds bindið hans Bjarna Ben


Vill banna bindi Finnst þau svo ljót


Þorgerður Katrín Gunnarsdóttir, oddviti Viðreisnar í Suðvesturkjördæmi og fyrrverandi ráðherra, segir að bindi séu atlaga gegn karlfrelsi og stríði gegn fegurðarskyni sínu og almennu velsæmi.

Þorgerður segir að sér sé almennt alveg sama hvernig fólk klæði sig, svo lengi sem það sé bert að neðan og ekki með bindi. 


Bindi séu ekkert annað en viðurstyggileg arfleifð feðraveldisins. Hún gerir þó undantekningu þegar það kemur að dömubindum, en einungis vegna þess að þau hafi margsannað notagildi sitt.

Hún segir ástæðu þess að hún yfirgaf Sjálfstæðisflokkinn fyrst og fremst vera bindasafn Bjarna Ben, sem hún segir að hafi vakið með sér bæði óhug og ógleði í gegnum tíðina.

„Bindi er upphaflega bara smekkur fyrir ofvaxin börn, eða sem sé karlmenn“, útskýrir Þorgerður.

„Svo skreyta menn sig ennþá með svona drasli, mörg hundruð árum síðar, í stað þess að fara bara í fallega peysu og vera berir að neðan“, bætir hún við, og er greinilega mikið niðri fyrir.

Þorgerður segir að ef hún komist í ríkisstjórn, og verði í kjölfarið vel upplýstur og afar frjálslyndur einvaldur, þá verði það hennar fyrsta verk að banna bindi með öllu. 

„Og líka, þú veist, að það sé skylda að allir séu berir að neðan, nema kannski á veturna ef það sé svakalega mikið frost og þannig, ég er ekki alveg búin að ákveða það“, segir hinn frjálslyndi talsmaður Viðreisnar að lokum.

RÚV






xB 2014






Fara efst á síðu