Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Jón fær mikið af hugmyndum. Allar eru þær slæmar, en hugmyndir engu að síður.


Ekki gert ráð fyrir neinum samgöngum á landsbyggðinni Enda engin þörf fyrir þær


Jón Gunnarsson, samgöngu- og vegatollaráðherra, segir enga þörf fyrir úrbætur í samgöngumálum á landsbyggðinni.

Hann segir að þar ferðist flestir um á hestbaki eða dráttarvélum, og hestar hafi enga þörf fyrir malbikaða vegi, og dráttarvélar ekki heldur.


„Svo býr eiginlega enginn úti á landi lengur. Það er nú 2017 sko!“, útskýrir Jón spekingslegur á svip, þrátt fyrir að hann sé að venju klæddur sem trúður.

„Samkvæmt nýjustu rannsóknum þá er voða lítið eftir af fólki í sveitum landsins. Það eru kannski nokkrir gamlir bændur og eitthvað þannig. En þeir fara aldrei neitt og þurfa þess vegna enga vegi. Þeir sitja bara í baðstofum sínum á kvöldin og lesa Lögbirtingablaðið“, bætir ráðherrann við.

Jón segist þó enn íhuga að setja upp vegatolla, þó engir séu vegirnir.

„Vegatollar eru bara eitthvað svo skemmtilegir, og kúl og þannig. Miklu skemmtilegri en vegirnir sjálfir“, segir Jón að lokum, og hlær stórkarlalega til að sanna mál sitt.

Vísir






xB 2014






Fara efst á síðu