Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Willum er vonlaus með öllu


Nýi heilbrigðisráðherrann verri en enginn Jafnvel verri en tveir engir


„Fall er fararheill og svoleiðis!“ sagði glænýi óheilbrigðismálaráðherrann þegar blaðamaður Gys.is spurði hann út í skammvinnan og ótrúlega misheppnaðan feril hans í þessu nýja starfi sem hann ræður bersýnilega engan veginn við.

Willum Þór Þórsson hóf sinn fyrsta dag í nýju starfi á því að leka minnisblaði sóttvarnalæknis í fjölmiðla í þeim tilgangi að æsa upp veitingamenn og tónleikahaldara. Að því loknu þóttist hann ætla að herða sóttvarnareglur í ljósi skelfilegrar smitstöðu í samfélaginu en veitti svo öllum og ömnmu þeirra undanþágu frá reglunum og gerði þær þannig samstundis tilgangslausar með öllu og rúmlega það.

„Er ekki bara best að kjósa framsókn?!“ hefur því enn og aftur reynst vera svokölluð „lygafalsfrétt“, byggð á fölskum forsendum, sem er einmitt mjög í anda Framsóknarflokksins.

Gys.is óskar landsmönnum öllum til hamingju með nýja en nú þegar úrelta ríkisstjórn sem þeir kusu sjálfir að mestu leyti, sé kosningasvindl ekki tekið með í reikninginn.






Eldhúsdagsdansinn






Fara efst á síðu