Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Smelltu
til að sjá valmynd
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Pylsa með panodil og paratabsmauki


Nýir og nýstárlegir réttir í Staðarskála Matur og lyf fara vel saman

„Það er æðislega gaman og fjör og þannig og frábært líka og svoleiðis að geta boðið þú veist starfsfólki og alls konar gestum og nærsveita- og nærbuxnafólki og þú veist bara úglenskum túristum sem og auðvitað íslenskum ferðamönnum og bara landsmönnum öllum og vinum þeirra og vandamönnum þú veist upp á þessar mikilvægu vörur,“ segir Jón Viðar Stefánsson forstöðu- og yfirmaður innpröngunarsviðs N1.

Til útskýringa fyrir lesendur er rétt að taka fram að Jón hefur verið á námskeiði í stofnanamállýskum og á því erfitt með að tjá sig á mannamáli. Það sem hann átti við er að í Staðarskála má nú kaupa lausasölulyf.

Jón segir að starfsfólk innpröngunarsviðs sé enn að vinna að breytingum á matseðli og að ekki sé fullkomlega ljóst hvaða áhrif tilkoma verkjalyfjanna muni hafa á hann.

„Við munum pottþétt bjóða upp á pylsur með panodil og paratabsmauki. Djúpsteikt ýsa með íbúfensósu er líka eitthvað sem við erum að skoða. En það sem ég held að muni slá öll met er réttur sem við köllum Hlunkur Hlunkur Hlunksson. Það er 5 kg. borgaraklessa sem er borin fram löðrandi í lóritíni með lítra af kokteilsósu og pínulítilli hrásalatsdós,“ segir Jón að lokum, stoltur af eiturbrasi N1 um allt land.






Til baka
„Löggulíf“






Fara efst á síðu