Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Skoðanalögregla ríkisins vill fá að bera hríðskotabyssur. Bara til öryggis.


Glæpsamlega fordómafullir félagar Eru með vitlausa fordóma í þokkabót


Lengi hefur verið vitað að félagarnir Pétur Gunnlaugsson og Jón Valur Jensson eru fremstir meðal fordómajafningja. En það er ekki það versta, heldur hitt, að þeir eru með alveg kolvitlausa fordóma.

Svo vitlausa, að það er hreinlega ólöglegt.


Skoðanir þeirra eru svo hrikalega vitlausar, að skoðana- og rétttrúnaðarlögregla ríkisins hefur ákveðið að réttast sé að loka þá á bak við lás og slá uns þeir skipta um skoðun, eða jafnvel skoðanir.

Það er þó ekki fordómamagnið sem fer mest í taugarnar á ríkisvaldinu og þeim sem fyrir verða, heldur á hvaða sviði þeir félagar eru hvað fordómafyllstir. Allt snýst þetta nefnilega um trú, litarhátt og kynhneigð hjá þeim félögum. Og það er einmitt stranglega bannað, og þar af leiðandi kolólöglegt og ansi glæpsamlegt að hafa skoðanir á slíku á Íslandi.

Ef þeim væri illa við kjósendur Framsóknarflokksins, (báða) lesendur Morgunblaðsins, hjúkrunarfræðinga, eða bara fólk í yfirþyngd, þá væri allt í góðu, og ríkisvaldið léti þá afskiptalausa með skringilegar skoðanir sínar.

En svo er ekki, og þess vegna eiga þeir nú yfir höfði sér lífstíðarfangelsi með möguleika á dauðarefsingu og ítrekuðum og endurteknum djazzballet námskeiðum.

Lesendur eru hvattir til þess að ástunda hreinar og fallegar hugsanir um þjóðerni, litarhátt, kynþátt, trúarbrögð, kynhneigð og kynvitund, til þess að lenda ekki í klónum á hugsanalögreglu ríkisins. 

Óhreinar og ljótar hugsanir um allt annað eru enn sem komið er fullkomlega löglegar.











Herrann í Hádegismóum...






Fara efst á síðu