Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Borgaryfirvöld benda á að gamla fólkið geti fengi flotta matarbakka heimsenda fyrir smá aukaþóknun


Enn svigrúm til að þrengja að öldruðum Liggja svo fjári vel við höggi þessir eldgömlu gamlingjar


Ilmur Kristjánsdóttir, formaður velferðarráðs Reykjavíkurborgar, segir að enn sé víða að finna frábær tækifæri til að þrengja að öldruðum íbúum borgarinnar.

Langt er síðan borgin hætti að strá nokkrum rúsínum út í hafragraut gamla fólksins. Þar með sparaðist ekki bara fé í matarinnkaupum, heldur fækkaði salernisferðum aldraðra talsvert, sem og ferðum þeirra til tannlækna. Sem tannlæknum gramdist reyndar, en það er önnur saga.

Nýjasta smásparnaðarhugmyndin er þó enn betri. Hún felst í því að sleppa því líka að setja haframjöl í hafragrautinn. Þannig sparast enn meira fé og að auki tilkostnaður við uppvask. Svo getur gamla liðið þá bara sofið út, þar sem það þarf ekki að hafa neinar áhyggjur af því að mæta í morgunmat.

Þó að ekki náist fram mikill sparnaður með þessum sparnaðaraðgerðum, þá má engu að síður nýta þetta fjármagn í eitthvað miklu gáfulegra en gamla fólkið. T.d. til að setja viðskiptabönn á ákveðin lönd eða landsvæði og afnema þau svo jafnharðan. Einnig mætti halda fleiri píkusýningar í mötuneytinu í ráðhúsinu, starfsfólki borgarinnar til ómældrar ánægju.

Vísir






Eldhúsdagsdansinn






Fara efst á síðu