Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Ólafarnir eru nú eitt


Framkvæmdi hjónavígslu án samþykkis Langaði svo að prófa að gifta tvo karlmenn


Síra Geir Waage réðst í gær að tveimur karlmönnum, og gaf þá saman í heilagt hjónaband, áður en þeir áttuðu sig á því hvað var að gerast.

Aðspurður sagði sírann að hann hefði bara langað svo mikið að prófa að vera fordómalaus og nútímalegur prestur. 


Þess vegna hafi hann viljað prófa að gefa saman tvo karlmenn. Hann segist ekki hafa betur séð en að um par væri að ræða. Karlmennirnir tveir sem um ræðir, segjast mögulega vera par, en telja sig þó ekki samkynhneigða.

Það eru þeir Ólafur Arnarson og Ólafur Ísleifsson.

Ólafarnir segjast ekki hafa haft í hyggju að staðfesta sambúð sína með svo varanlegum hætti:

„Ég skil ekki hvað manninum gengur til“, segir Ólafur. „Við erum kannski samrýmdir, en ætluðum alls ekki að heitbindast endanlega á þessum tímapunkti.“

Ólafur tekur undir með Ólafi: „Þó við séum saman með sjónvarpsþátt, og almennt sammála um alla hluti, þá er ekki þar með sagt að við viljum staðfesta samvist okkar á þennan hátt. Það hefur vissulega komið til tals, en aldrei verið rætt til fulls.“

Síra Geir segir að um minniháttar mistök hafi verið að ræða. Honum hafi ekki dottið annað í hug en að þessir menn vildu eyða lífinu saman.

„Kommon. Þeir eru eins og símastvíburar. Þeir voru meira að segja eins klæddir!“, segir sírann sér til varnar.

Hann neitar að ógilda athöfnina, hvað þá að veita Ólöfunum skilnað.

„Slíkt stríðir gegn samviskufrelsi mínu. Þeir eru og verða hjón. Að eilífu. Amen.“

Ólafarnir, fyrsti þáttur.






Herrann í Hádegismóum...






Fara efst á síðu