Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Agnes gleðst alltaf jafn mikið. Vigfús verður alltaf fyrir vonbrigðum


Biskupinn sigraði í furðufatakeppni íslensku rétttrúnaðarkirkjunnar Alls ekkert óeðlilegt við það


Björn Bjarnason, aðaltalsmaður íslensku rétttrúnaðarkirkjunnar segir ekkert óeðlilegt við að biskup Íslands hafi sigrað enn og aftur í furðufatakeppni kirkjunnar, sem ætíð er haldin á aðfangadagskvöld.

Oftast í miðnæturmessu, því þá er komið meira messuvín í prestana, og stuðið eykst í réttu hlutfalli.

„Það er hefð fyrir því að biskupinn vinni, þannig að þetta var allt alveg rosalega eðilegt og þannig. Við kjósum ekki einu sinni lengur“, útskýrir Björn og sýnir báða lófa sína, til að leggja áherslu á sannsögli sitt.

Gys.is náði tali af sigurvegaranum, herra frú séra Agnesi, biskupi og hróki alls fagnaðarerindis.

Var ekki gaman að vinna keppnina?

„Fyrst vil ég aðeins fá að tala um búninginn minn, og útskýra hvernig hann er samsettur.

Skrautbúningur minn er af hvítu klæði, balderaður með gullbrydduðum silkiþræði í purpurarauða flauelsborða á börmum eftir skrautlegum blettauppdrætti. Kögraður skýjabekkjaklútur á herðum. Laus kragi er um háls unninn úr tandurhreinni kaffisíu. Hann er krókaður saman með kornsettum silfurpörum. Beltið við hann er balderað í sama stíl. Íburðarmikil silfurpör eru á því með laufum og spöðum. Þrír stórir hnöttóttir silfurhnappar kornsettir með hringum og ferhyrningum eru festir í beltið báðum megin, beggja vegna, og beggja megin við pörin. Flauelsleggingar þrjár á baki treyjunnar með útlendu sniði, þó ekki því fararsniði sem algengast er. Knipluð oddastíma af silfurvír lögð báðum megin með þeim. Búningnum fylgir svokölluð herðafesti, sett saman af stórum fóðruðum víravirkis silfurmillum. Silfurkross stór er á brjósti. Samfellusloppur er með blómstursaum, stórum bekk, neðst á því er breið svört flauelslegging, klippt laufaskurði. Nærskjól lokulaust, en krókar á baki. Pjötlur svonefndar eru á börmum þess úr hversdagsklæði og balderað í þær rósamunstur af mislitum silkitvinna, kniplaðar þrjár leggingar á baki af ullarþræði í mörgum litum.“

Nú, jæja... Eitthvað að lokum?

„Mér finnst mikilvægt að það sé lögbundin skylda allra að fara daglega í kirkju. Aðeins þannig getur fólk skilið til fulls hvernig það er að vera ég. Já, og svo vantar okkur meiri pening! Miklu, miklu, miklu meiri pening. Miklu, miklu, miklu, miklu meiri, og það strax!“






Herrann í Hádegismóum...






Fara efst á síðu