Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Hér má sjá sérfræðing í notkun gæsalappa


Kann ekki að nota gæsalappir Notar þær í stað upphrópunarmerkja


Auður Steingrímsdóttir (51) kann ekki að nota gæsalappir.

Hún hefur alla tíð staðið í þeirri meiningu að gæsalappir séu notaðar á sama hátt og upphrópunarmerki.


Þetta hefur leitt til þess að mörgum finnst hún kaldhæðin, og jafnvel andstyggileg. Sérstaklega þegar hún tjáir sig á ritmáli.

Síðast í dag óskaði Auður vinkonu sinni til hamingju með að hafa keypt nýja íbúð.
Til hamingju með „nýja heimilið“, skrifaði hún á Facebook vegg vinkonunnar.

Þessi sama vinkona Auðar átti nýlega afmæli. Þá skrifaði Auður: Til hamingju með daginn „kæra vinkona“. 
Skömmu áður hafði vinkona Auðar útskrifast úr námi. Auður óskaði henni að sjálfsögðu til hamingju með „glæsilegan árangur“.

Einna mestum misskilningi ollu þó skrif Auðar, þegar hún vildi óska vinnufélaga sínum til hamingju með afmæli dóttur hans.

Þá ritaði hún: Til hamingju með „dóttur þína“.






Herrann í Hádegismóum...






Fara efst á síðu