Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Geir kannar vallaraðstæður - og segir þær til fyrirmyndar!


Veðurfræðingar fengnir til að ljúga Svo að fólk mæti á landsleik


Eins og kunnugt er, þá er veðurfræðingum bannað að spá rigningu um Verslunarmannahelgar. Nú vill KSÍ að hið sama gildi um landsleikjadaga.

Geir Þorsteinsson vill því eindregið hvetja veðurfræðinga, og aðra sem spá til veðurs, að spá blíðviðri í Laugardalnum í dag.


Hið rétta er þó að það mun ganga á með skúrum í Reykjavík, og mun rigningin ná hámarki á meðan landsleikurinn stendur yfir.

Geir harðneitar því þó, og segir að í Laugardal verði hiti u.þ.b. 25 stig, og óvenju mikið sólskin. Mögulega verði jafnvel 2 eða 3 sólir á lofti.

En snúum okkur þá að leiknum.

Hvað segir Lars Lakkrísbaukur?

„Slóvenar eru með frábært lið. Þeir sigra nánast alltaf andstæðinga sína. Þetta verður rosalega erfiður leikur. Við förum létt með þetta og vinnum 3-0.“

En hvað segir Aron Einar fyrirliði og þjóðháttafræðingur?

„Slóvenar eru mestmegnis rugludallar og ræningjar. Eða voru það Slóvakar? Hmmm, já sennilega. Slóvenar eru mestmegnis fábjánar og fyrirburar, og alls ekki upp á marga boltafiska.

Það er mjög mikilvægt að hugsa bara um 5 leiki í einu, og helst að skipta þeim niður í 18 hluta, og hugsa þá um 2 hluta í hvert sinn, sem hugsað er um hluta sko.“

Ha?

„Já, já, ég er rosalega bjartsýnn. Ég held að við töpum ekki stórt. Ég vil bara setja pressu á sjálfan mig. Við ætlum að fara í þennan leik blindfullir sjálfstausts. Hvar ætli ég hafi sett sjálfstraustið mitt, ég var örugglega með það í síðasta leik....“

En að lokum, hvað segir Gylfi Sigurðsson um leikinn.

„Ég er í banni, þannig að ég ætla bara að mæta í pollagallanum og detta íða!“

[Innskot blaðamanns: Nú hvíslar Geir Þorsteinsson einhverju í eyra Gylfa]

„Ég meina, ég ætla að mæta í sandölum og ermalausum bol, og horfa gjörsamlega allsgáður á leikinn!“

Áfram Ísland!

Lesendur geta svo tekið viðtal við hvaða landsliðsmann sem er eftir leik, allt í boði Gys.is







xB 2014






Fara efst á síðu