Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Ragnar upplifði hungursneyð.


Fékk engan morgunmat. Sat fastur í skafli.


„Þetta var alveg hræðilegur dagur“, segir Ragnar Róberts.

- Þegar ég var að keyra í vinnuna, þá var svo mikill snjóbylur að ég sá varla til veðurs! Það var mjög óþægileg tilfinning.


Ég gaf auðvitað allt í botn, svo ég þyrfti ekki að standa í þessu of lengi. Þá bara birtist allt í einu beygja! Þessi beygja er venjulega á allt öðrum stað.

Ég var svo hissa að ég brunaði bara beint út í skafl.

Ég hefði auðvitað þurft að fá áfallahjálp strax, en það kom enginn mér til aðstoðar. Eftir að hafa setið í bílnum í 20 mínútur gat ég ekki lengur haldið í mér, og pissaði á mig.

Eftir 10 mínútur til viðbótar var mér nóg boðið. Ég ákvað þá að halda áfram fótgangandi, jafnvel þó ég vissi að ég þyrfti að ganga um 50 metra til að komast í bakaríið!

Mér tókst með herkjum að komast á leiðarenda. En þá voru ekki til neinir snúðar!

Nú gat ég ekki meira. Ég brast í grát og lagðist á gólfið í bakaríinu.

Þarna var klukkan líka orðin kortér í níu, og ég er vanur að fá morgunsnúðinn minn um 8 leytið!

Björgunarsveitin keyrði mig svo heim skömmu síðar, og sem betur fer átti ég nokkra neyðarsnúða heima.

En ég hef sent bréf til Veðurstofunnar og farið fram á að hún komi í veg fyrir svona hræðilegt veður í framtíðinni.


Tengdar fréttir:
Árið byrjar illa hjá Ragnari Róberts.
Missti af áramótunum.
Setti óvart rauðkál á diskinn sinn.






xB 2014






Fara efst á síðu