Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Það er mikilvægt að kunna nýjustu útgáfu rétttrúnaðarboðorðanna.


Vill hefta málfrelsi í nafni umburðarlyndis Er svo rosalega woke


Viðar Þorsteinsson, framkvæmdastjóri Eflingar, hefur sent tölvupóst sem hann samdi alveg sjálfur til framkvæmdastjóra Hörpu, Svanhildar Konráðsdóttur.

Í tölvupóstinum fer hann fram á að Svanhildur banni alla viðburði sem eru honum sjálfum ekki að skapi.


Viðar segist búa yfir fáránlega miklu umburðarlyndi, en þó aðeins gagnvart þeim sem eru sömu skoðunar og hann. Hinir séu allir hálfvitar sem þarf að banna. Allar skoðanir sem samræmast ekki hans eigin séu augljóslega hatursáróður og eigi ekkert erindi upp á yfirborðið.

Í fyrstu atrennu er það Douglas Murrey sem Viðar vill banna, en takist það ætlunarverk hans þá á hann langan kolsvartan lista af listamönnum, fyrirlesurum, íþróttafélögum og matvælum sem hann vill einnig alfarið banna.

Þar á meðal eru Jordan Peterson, Gylfi Ægisson, Hatari, Bilbo Baggins, Valur (sérstaklega handboltadeildin), tómatsósa, mótorhjól og allavega tveir af meðlimum tríósins Þrjú á palli.

Viðar segir að nú á 21. öldinni sé löngu komið í ljós hvaða skoðanir eru réttar og allra réttastar séu hans eigin, svo ekki sé þörf á öðrum. Hann áskilur sér að sama skapi rétt til þess að móðgast heiftarlega fyrir hönd annarra, út af öllu og engu, hvort sem þeir kæra sig um það eða ekki.

Að lokum lofar Viðar að halda áfram að gera úlfalda úr mýflugu, skapa storm í vatnsglasi og útdeila sleggjudómum í allar áttir af minnsta tilefni, eða jafnvel engu.

Allt í nafni tjáningarfrelsis og umburðarlyndis, en ekki hvað?

Stundin






Eldhúsdagsdansinn






Fara efst á síðu