Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Berþór kann best við sig buxnalausan


Glæsilegur fulltrúi Íslands á Evrópuráðsþingi Landi og þjóð til sóma


Alþingi Íslendinga sendi súpersérvalinn og sérdeilis stórkostlegan sendiboða á Evrópuráðsþing nú í vikunni. Það var enginn annar en yfirvællinn og ofurdóninn Berþór Ólason.

Vonir stóðu til að með því að senda svo frambærilegan fulltrúa mætti enn auka á ört vaxandi virðingu Alþingis. Ekki bara hér á landi heldur um Evrópu alla.

Berþór stóð svo sannarlega undir væntingum að venju. Hann fór í öllu að fyrirmælum lærimeistara síns og endurtók sama innihaldslausa þvaðrið og áður í von um að sama lygin, sé hún endurtekin nógu oft, fari að hljóma sem sannleikur í eyrum þeirra sem á hlýða.

Fljótmæltur og flóttalegur hóf hann fagurskapaðan fyrirlestur sinn á því að útskýra að valdamiklir karlpungar væru vanir því að geta níðst á þeim sem þeim sýnist, þegar þeim sýnist. Alls ekki mætti koma í veg fyrir slíkt háttalag, því þá gæti þessum sömu körlum sárnað.

Þeir myndu jafnvel upplifa sjálfa sig sem fórnarlömb. Slíkt væri afleitt, ónauðsynlegt með öllu og illa ígrundað. Nauðsynlegt væri því eftir sem áður að sýna svona karlrembum fulla meðvirkni og stuðning. 

Berþór lauk máli sínu með því að grenja hátt og skýrt í hálfa klukkustund, að því er virðist til að leggja áherslu á mál sitt og ljúka þannig eigin fórnarlambsvæðingu.

Að því loknu reif hann sig úr að neðan, sveiflaði kynfærum sínum í hringi og stappaði stirðbusalega um á sviðinu á meðan hann hneggjaði svo að undir tók í höllinni.

Stundin






xB 2014






Fara efst á síðu