Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Gunnar Bragi fékk sér ekki svona drykk umrætt kvöld.


Gunnar Bragi fór ódrukkinn í leikhús Fannst það skrítið en ekki alslæmt


Gunnar Bragi Sveinsson brá sér í leikhús á dögunum. Það væri í sjálfu sér ekki fréttnæmt, nema fyrir þær sakir að hann neytti ekki áfengis umrætt kvöld. Hann bragðaði sem sé ekki áfengi fyrir sýninguna, ekki á meðan á henni stóð og ekki eftir að henni lauk.

Að auki truflaði hann ekki sýninguna með frammíköllum og fyllerísvæli eins og venjulega þegar hann fer fullur í leikhús.

Gunnar Bragi segir að þó það sé skrítið að fara bláedrú í leikhús, þá hafi hann samt skemmt sér ágætlega. Hann íhugi jafnvel að endurtaka leikinn, þó vissulega sé miklu skemmtilegra að vera dauðadrukkinn en bláedrú, svona almennt.

Hann segist ennþá vera að fara yfir leikhúsferðina í huganum. Það hafi verið ansi margt sem hafi komið honum á óvart. Hann hafi t.d. ekki þurft að fara tuttugu sinnum á klósettið, og eins muni hann ágætlega eftir sýningunni ennþá, mörgum dögum síðar.

Að lokum segir hann að það hafi verið sérstaklega sérkennileg en þó frekar ánægjuleg lífsreynsla, að komast heim til sín án þess að týna öllum fötunum sínum.

DV og Vísir






Telur Miðflokksmenn talsvert undir meðalgreindPálmi Gestsson sem tók þátt í rannsókn Attenborough á Miðflokknum segir niðurstöðu rannsóknarinnar í senn sláandi og afgerandi.

Miðflokksmenn séu augljóslega langt undir meðalgreind, en kjósendur þeirra þó enn vitlausari.
Herrann í Hádegismóum...






Fara efst á síðu