Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Óttar predikar ófagnaðarerindi sitt


Mikilvægt að draga úr öryggi barna Segir sérfræðingur í fortíðarþrá


Óttar Guðmundsson geðlæknir og fortíðarunnandi segir öryggi barna í nútímasamfélagi allt of mikið. Hann leggur til aðgerðaáætlun í 300 liðum, sem miðar að því að draga úr almennu öryggi og vellíðan islenskra barna.

Óttar leggur til að börn borði konfekt í öll mál og drekki gosdrykki með, en til vara vatn úr garðslöngum. Leikjatölvur verði bannaðar, sem og sjónvarpsáhorf, eða hvað annað sem fundið var upp á síðustu 100 árum.

Öll börn eiga framvegis að sofa í rúmum sem eru máluð með krabbameinsvaldandi blýmálningu. Öryggisbelti, bílstólar, og hjálmar verða með öllu bannaðir.

Best væri þó ef börnin færu allra sinna ferða á bremsulausum kassabílum. Allra best ef þau færu alltaf niður brattar brekkur á þeim.

Tannlækningar verða með öllu aflagðar.

Foreldrar verða hvattir til að reykja sem mest ofan í börn sín, og helst að kenna þeim sjálfum að reykja ekki síðar en um 5 ára aldur.

Almennt eiga foreldrar að vera leiðinlegir við börn sín.

Þeir skulu ekki mæta á kappleiki barna sinna, né sýna áhugamálum þeirra og hugðarefnum hinn minnsta áhuga. Rassskellingar skulu verða daglegt brauð, og börnum almennt gerð grein fyrir því að þau séu bara ekkert merkileg.

Leikvöllum verður lokað, en í staðinn munu börnin fá að leika sér á byggingarlóðum, bryggjum, og öðrum varasömum stöðum.

Að lokum verða barnaníðingar hvattir til að sækja um kennarastöður og önnur störf tengd umsjá barna.

Óttar segir að „verði þessari áætlun framfylgt muni börnum líða miklu verr, og þau muni átta sig miklu fyrr á því hversu ósanngjarnt og ömurlegt lífið er“.


Stundin

Fleiri pistlar eftir Óttar:
Konur eru ótrúlega trú- og grátgjarnar.
Tölvuleikir eru verkfæri djöfulsins.






Eldhúsdagsdansinn

Er orðinn leiður á að láta blekkja sigRagnar Róbertsson var dæmigerður kjósandi. Hann fylgdist lítið sem ekkert með stjórnmálum, skildi tæplega muninn á hægri og vinstri, og kaus alltaf Sjálfstæðisflokkinn. (Nema í fyrra þegar hann ætlaði að kjósa Bjarta framtíð og kaus þess vegna óvart Framsókn).

Gys.is fékk Ragnar í innilegt og einlægt helgarviðtal á þessum fallega miðvikudegi, þar sem hann ræðir á opinskáan hátt um líf sitt og nýja sýn hans á það, eftir að hann reif höfuðið upp úr sandinum, og opnaði augun. Augu sem aldrei höfðu reynt að sjá sannleikann, sem þó er alltumlykjandi.





Fara efst á síðu