Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Svona varð Ragnar á svipinn þegar hann uppgötvaði hversu lélegt gestavalið var í Vikulokunum.


Nennir ekki að eyða laugardagsmorgni í að hlusta á Sigríði Andersen Skiljanlega


Ragnar Róbertsson varð fyrir miklu og óvæntu áfalli í morgun. Hann ætlaði sér að njóta laugardagsmorgunsins eins og hann gerir í viku hverri og hlusta á Vikulokin á Rás 1.

„Ég var sestur í sófann með rótsterkt kaffi, nokkra snúða og dós af piparkökum,“ útskýrir Ragnar.


„Svo kom í ljós að það var einhver nýr stjórnandi. Einhver kona sem kynnti sig ekki einu sinni. Mér fannst það strax pínu óþægilegt. En ástandið átti eftir að versna, því nafnlausi stjórnandinn kynnti bara tvo gesti til leiks og annar þeirra var Sigríður Andersen!“ öskrar Ragnar fullur angistar.

„Ég stökk umsvifalaust af stað í þeim tilgangi að slökkva á útvarpinu, en í óðagotinu sullaði ég kaffi á stofuteppið og traðkaði á piparkökunum.

Sigríður var strax byrjuð að þvaðra einhverja óskiljanlega vitleysu með sinni hrokafullu röddu, sem eyðilagði alla einbeitingu hjá mér, svo mér tókst alls ekki að finna slökkvarann á útvarpinu.

Ég reif það því bara úr sambandi, öskraði á það og barði það til óbóta, kveikti í því og henti því fram af svölunum. Þá leið mér aðeins betur.“

Ragnar segist aldrei framar ætla að nýta sér þjónustu Ríkisútvarpsins, enda sé starfsfólki þess greinilega ekki treystandi til þess að velja viti borna viðmælendur.

Hann segir það skárri tilhugsun að hlusta á breimandi ketti leika sér með jarðvegsþjöppur á bárujárnsþaki en að þurfa að hlusta á Sigríði Andersen.






Eldhúsdagsdansinn






Fara efst á síðu