Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Kári segir að genasamsetning skýja sé ömurleg.


Kári enn og aftur brjálaður Lengi getur geðvonskan versnað


Hinn ofurgeðstirði og almennt skapstyggi Kári Stefánsson er enn og aftur í kolbrjáluðu skapi.

Íslendingar hafa fylgst með því í forundran undanfarin misseri hvernig Kári hefur sí og æ misst stjórn á skapi sínu af hinum og þessum ástæðum. Og stundum líka að ástæðulausu.


Allt byrjaði þetta þegar hann fór í grautfúla fýlu af því að Persónuvernd vildi fara yfir skimanir ÍE áður en þær yrðu leyfðar. Svo trylltist hann vegna þess að honum fannst vínber sem hann keypti „allt of súr og eiginlega aðeins of græn á litinn.“

Hann hefur líka brjálast yfir hljóðinu í vekjaraklukkunni sinni, sagt að það sé of mikið af hjólreiðafólki á ferli og heimtað að miðvikudagar verði næst á undan eða eftir mánudögum til að samræma M-daga vikunnar.

Eins hefur hann margoft lýst því yfir að súkkulaðirúsínur séu „uppfinning andskotans Andskotans“ og heimtað að neysla á þeim verði alfarið bönnuð, en til vara að hún fari einungis fram í „þartilgerðum sóðabælum.“

Mest fer þó almenn heimska þjóðarinnar í taugarnar á honum, en hann telur Íslendinga alla talsvert undir meðalgreind að sjálfum sér undanskildum. Stjórnmálamenn telur hann alla óalandi og óferjandi, en þó er mismunandi eftir vikudögum hvaða stjórnmálamaður fer mest í taugarnar á honum.

Í gærkvöld fríkaði hann svo út yfir því að fá ekki að vera heilbrigðisráðherra, sem verður að teljast nokkuð undarlegt í ljósi fyrrgreindra skoðana hans á stjórnmálastéttinni.

Ljóst er að skap Kára mun ekki skána fyrr en hann fær óskorað vald yfir landi og þjóð og því um að gera að veita honum það sem fyrst svo við þurfum ekki að verða vitni að fleiri geðvonskuköstum... í bili allavega.

Kári dagsins...

Posted by Karl Örvarsson on Saturday, 4 April 2020


Kári (sumar)dagsins

Posted by Karl Örvarsson on Thursday, 23 April 2020






Eldhúsdagsdansinn






Fara efst á síðu