Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Stefáni finnst ægilega sniðugt að sækja vatnið yfir lækinn, enda er hann markaðsmaður.


Græða vel og mikið á því að selja Íslendingum sænskt vatn Rosalega sniðugt og frábært að sögn markaðsstjórans


Erlendur auðhringur sem hefur um áratugaskeið hagnast gríðarlega á því að selja fólki sykurleðjublöndu sem eyðileggur í því tennurnar og gerir það akfeitt og óheilbrigt hefur nú ákveðið að selja vatn á Íslandi.

Vatnið er þó ekki íslenskt, enda væri það of einföld og umhverfisvæn lausn. Í staðinn er vatnið flutt inn frá Svíþjóð.

„Best væri auðvitað að flytja vatnið lengra frá til að menga meira og hafa betri rökstuðning fyrir háu verði sko, en aðalatriðið er bara að sækja vatnið yfir lækinn,“ segir Stefán Magnússon, markaðs- og fáránleikastjóri sykurleðjuauðhringsins.

Stefán segir að ekki komi fram á umbúðunum hvaðan vatnið kemur, því hann vilji ekki taka sénsinn á því að fólk velji frekar íslenskt vatn, jafnvel bara úr krananum. Þá myndi auðhringurinn sem hann hefur selt sálu sína græða aðeins minna og hann yrði örugglega bara rekinn eða allavega rassskelltur.

Að lokum afsalar Stefán sér allir ábyrgð á vatnsinnflutningnum og segist bara vera að svara þeirri miklu eftirspurn sem er á Íslandi eftir erlendu vatni.

Fréttablaðið






Eldhúsdagsdansinn






Fara efst á síðu