Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Hér má sjá mynd sem fór gríðarlega í taugar Illuga enda allir brosandi á henni. Hann leiðrétti það.


Sjálfskipaður brosmálaráðherra tekinn til starfa Ætlar að beita sér af fullum krafti gegn óviðeigandi brosum


Illugi Jökulsson er kominn með nóg af því að fólk brosi. Sérstaklega þegar ekkert tilefni er til.

Hann segir að nú sé nóg komið. Rétt sé að útfæra almennar leikreglur hins pólitíska rétttrúnaðar yfir á svipbrigði landsmanna og smána opinberlega þá sem ekki fylgja þeim reglum, sem og þeim reglum sem hann hyggst bæta við á næstu misserum.


Illugi hyggst gefa út sérstaka „brospassa“ fyrir þá sem eru honum þóknanlegir. Þeir muni þó alltaf gilda til skamms tíma og aldrei fyrir meira en þrjú bros á viku.

Að sama skapi muni brospassarnir ekki gilda undir ákveðnum kringumstæðum, svo sem þegar Sjálfstæðisflokkurinn mælist með mikið fylgi í könnunum, þegar Liverpool tapar leik, eða þegar lægð gengur yfir Vesturbæinn.

Annars segist Illugi bara vera hinn hressasti. Hann minnir þó á að ef að Ísland tapar fyrir Noregi í handbolta á eftir þá taki við vikulangt brosbann um allt land sem verði jafnvel framlengt til allt að þriggja ára ef tapið verður stórt.

Sjálfur brosir Illugi aldrei, en er oftar en ekki glottandi.









Eldhúsdagsdansinn






Fara efst á síðu