Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Hannes hefur meira að segja keypt sér ódýra Trump hárkollu til að auka sigurlíkur sínar.


Íslendingur í öðru sæti á Ömurðarleikunum Stefnir á að gera enn betur


Hinir daglegu Ömurðarleikar voru haldnir í gær sem aðra daga á Twitter. Keppnin er jafnan hörð, því að þó margt ömurlegt megi finna á Twitter þá þurfa þátttakendur í Ömurðarleikunum að uppfylla fjölda skilyrða til að eiga séns á sigri.

Tíst þeirra þarf auðvitað að vera bæði neikvætt og leiðinlegt, ábyrgðarlaust með öllu og sérlega heimskulegt, en það er ekki nóg. Það þarf nefnilega líka að vera fordóma- og hrokafullt og innihalda ómælt magn af drambi og rembingi, helst langt umfram ráðlagðan dagskammt. 

Bónusstig eru svo veitt ef sá sem tístir er sannanlega sannur silfurskeiðungur og/eða fílabeinsturnsalinn oflátungur, þannig að augljóslega sé ekki um viljandi tröllaskap að ræða af hálfu viðkomandi. 

Og það var einmitt þar sem Hannes Hólmsteinn kom svo sterkur inn. Hannes hefur nefnilega áralanga reynslu af öllu ofantöldu og í raun ótrúlegt ef ekki stórkostlega lygilegt að hann hafi ekki komist á verðlaunapall fyrr.

En hann þurfti engu að síður að sætta sig við annað sætið, þar sem Donald Trump hefur fasta áskrift að því fyrsta, alla daga vikunnar.

Hannes er þó ekki af baki dottinn og segist nú ætla að gefa í að hætti bandaríkjaforseta, sem er einmitt hans helsta fyrirmynd á Twitter.

Það verður því spennandi að fylgjast með ævintýrum Hannesar í netheimum á næstunni. Lesendur eru hvattir til að poppa eins og þeir eigi lífið að leysa og hvetja þennan frambærilega keppanda þjóðarinnar til dáða, nú sem endranær.








Eldhúsdagsdansinn






Fara efst á síðu