Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Guðmundur telur svarthvíta regnbogafánann þjóna hlutverki sínu með eindæmum frábærlega


Vill fækka litum í regnbogafánanum... ... sem allra mest


Guðmundur Oddsson segist hafa miklar áhyggjur af því hversu marga liti megi enn finna í regnbogafánanum (sem innihélt 8 liti í upphaflegri gerð). Hann segir erfitt að muna sex mismunandi litanöfn í réttri röð, hvað þá öfugri.

Að mati Guðmundar er lífsnauðsynlegt að fækka litum í fánanum mikið. Best væri að fækka þeim í einn eða engan, en í allra mesta lagi megi hann innihalda tvo mismunandi liti. 


Ákjósanlegt væri að hafa hann bara hvítan, en til vara svartan og hvítan. Þessir tveir litir dugi fullkomlega og rúmlega það til þess að endurspegla fjölbreytileika íslensks samfélags sem sé nú og hafi alltaf verið svarthvítt og á köflum bara hvítt.

Guðmundur segir einnig að Mike Pence sé örugglega æðislega fínn gaur þó hann sé þröngsýnn og hatursfullur fasisti og að við eigum framvegis að sýna slíkum gestum alvöru auðmjúka gestrisni með því að flagga svarthvíta regnbogafánanum í gríð og erg, til tákns um viðvarandi íhaldssemi og einstrengishátt þjóðarinnar sem og undirgefni okkar gagnvart Bandaríkjunum.

Að sögn Guðmundar hefur hann sterka tilfinningu og ríka sannfæringu fyrir því að allir aðrir í heiminum séu í raun sömu skoðunar og hann sjálfur, en hafi bara ekki áttað sig almennilega á því ennþá.

Hinn nýi svarthvíti regnbogafáni sé tilvalinn til þess að sameina þjóðina að nýju í tvo helmingaskiptahópa þar sem allir geti fagnað fábreytileikanum með nægilega fjölbreyttum hætti.







„Löggulíf“






Fara efst á síðu