Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Margir hata þá sem borða ekki nákvæmlega eins samsettar máltíðir og þeir sjálfir gera.


Kjöt eða grænmeti, það er spurningin Og auðvitað bara þessir tveir kostir í boði - annað hvort eða!


Líf Magneudóttir hefur fundið bráðsnjalla og ótrúlega einfalda lausn á loftslagvanda jarðar og hamfarahlýnun. Lausnin er margfalt einfaldari en nokkurn grunaði. Hún felst í því að skólabörn í Reykjavík hætti að borða kjöt, eða geri það allavega bara í frístundum.

Að auki segir Líf að þessi lausn muni leysa flestöll önnur vandamál mannkyns og að í kjölfarið verði allir dansandi og syngjandi saman í einhvers konar útópískri múgsefjun að hætti vinstrisins (ekki wintrisins).

Eyþór Arnalds er á öndverðum meiði eins og endranær. Hann segir að allir eigi og verði að borða kjöt í hvert mál og helst oftar.

„Sko, manneskjur eru bara úr kjöti þannig að við verðum að borða rosa mikið kjöt til að vera áfram manneskjur, þú veist, úr kjöti. Það þarf að stórauka svaka mikið allt framboð af kjöti í mötuneytum skólanna af því að mér finnst aspas svo ógeðslegur og get ekki hugsað mér að borða hann alltaf, eins og þetta grænmetisfólk gerir örugglega.“

Það er því óljóst hvað skólabörn fá að borða í Reykjavík á næstunni. Mögulega bara ekki neitt.

En það fellur í hlut lesenda að dæma hvort þeirra státar af gáfulegri skoðun.






xB 2014






Fara efst á síðu