Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Bankar og vampírur eru alveg eins. Sjúga blóðið úr almenningi til að halda lífi í sjálfum sér.


Arion banki græddi ekki nógu mikið Reyndar aldrei hægt að græða nógu mikið


Arion banki græddi tvö þúsund og eitthundrað milljónir í apríl, maí og júní, eða sjö hundruð milljónir hvern mánuð.

Benedikt Gíslason, bankastjóri Arion banka, segir þetta skelfileg tíðindi, því á sama tíma í fyrra hafi bankinn grætt þrjú þúsund og eitthundrað milljónir, sem sé miklu meira.


Stefna bankans sé að græða meira og meira á hverju ári, en alls ekki minna, því minna sé minna en meira og það sé ekki nógu mikið.

Hann segir að nú sé augljóslega tímabært að stinga hausnum í steininn og leggja hann í bleyti, því hann verði örugglega rekinn af bankinn græði ekki meira á næstu þremur mánuðum.

Að sögn Benedikts er þó engin ástæða til að örvænta, því hann kunni fullt af mörgum leiðum til þess að græða meira og meira, meira í dag en í gær.

Það sé t.d. alltaf hægt að fækka útibúum og draga úr þjónustu. Þá sé líka auðvelt að reka starfsfólk í leiðinni og eins sé alltaf hægt að hækka útlánsvexti upp úr öllu valdi og setja innlánsvexti í mínus.

Allra skemmtilegast sé þó að finna upp ný gjöld og rukka viðskiptavini um fé fyrir hvert einasta handtak sem starfsfólk bankans þarf eða þarf ekki að framkvæma í þeirra þágu.

Það allra besta er þó, að sögn Benedikts, að jafnvel þó ekkert af þessum klassísku trixum skili tilætluðum árangri, þá er það versta sem gæti gerst að hann verði rekinn og fái að launum fúlgur fjár.

Rétt eins og Höskuldur.






Eldhúsdagsdansinn






Fara efst á síðu