Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Kjósendur Miðflokksins


Telur Miðflokksmenn talsvert undir meðalgreind Og kjósendur þeirra enn lakari


Pálmi Gestsson sem tók þátt í rannsókn Attenborough á Miðflokknum segir niðurstöðu rannsóknarinnar í senn sláandi og afgerandi.

Miðflokksmenn séu augljóslega langt undir meðalgreind, en kjósendur þeirra þó enn vitlausari.


Þingmenn flokksins hafi sjálfir sýnt mörg kostuleg dæmi um athyglisverðan skort á heilastarfsemi.

Sigmundur Davíð geti t.d. ekki logið á erlendri tungu, en eigi hins vegar erfitt með að segja satt á íslensku.

Gunnar Bragi getur ekki haldið á glasi og á sama tíma sýnt af sér eðlilega mannasiði.

Berþór Ólason getur ekki talað og hugsað á sama tíma.

Svo mætti lengi telja, segir Pálmi.

En enn athyglisverðara sé þó, segir Pálmi, hversu auðvelt sé að þekkja kjósendur Miðflokksins úr fjölda fólks. Til þess hægt að nota ýmsar aðferðir.

Að sögn Pálma eru þeir svo illa að sér í stafsetningu að þeir geta varla gert sig skiljanlega á ritmáli, jafnvel þó þeir notist eingöngu við tveggja til þriggja stafa orð.

Að sama skapi eigi þeir erfitt með að tileinka sér tækninýjungar og geti t.d. ómögulega stillt á aðra útvarpsstöð en Útvarp Sögu.

Þeir trúa því að jörðin sé flöt og að loftslagsbreytingar séu ekki raunverulegar heldur samsæri vísindamanna til að klekkja á íslenskum olíufélögum.

ESB telja þeir að sé stjórnað af kölska sjálfum með aðstoð George Soros og Dótu læknis.

Sigmundur Davíð er að þeirra sögn ein- ef ekki tvígetinn sonur guðs almáttugs, eða að minnsta kosti goðumlíkur hálfguð sem getur rakið ættir sínar í þráðbeinan karllegg aftur til keisarans af Wintris.

Þó sé sennilega auðveldast að þekkja þá á líkamlegu atgervi, því þeir séu gjarnan sköllóttir, með haglabyssu í annarri og hangilæri í hinni og ávallt berir að neðan.

Pálmi segir að engin lækning sé til við greindarskorti af þessari stærðargráðu.

Eini kosturinn í stöðunni sé því annað hvort að sætta sig stöðuna eins og hún er, eða breyta kosningalögum og láta kjósendur þreyta próf til að öðlast kosningarétt.

Þar yrði aðeins farið fram á að kjósendur sanni að þeir búi yfir lágmarksgreind. Þeir þyrftu að þekkja litina, kunna að reima og geta lagt saman lágar tölur án þess að fá út samsæri.







xB 2014






Fara efst á síðu