Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Á RÚV 2 verður GMB-laus útsending sem mun stuðla að bættri geðheilsu þjóðarinnar.


Óþarfi að sniðganga Júragarðinn Hægt að skipta yfir á RÚV 2


Mikill fögnuður braust út á landinu öllu þegar í ljós kom að hægt var að horfa á beina útsendingu frá Júragarðinum síðastliðinn þriðjudag án þess að þurfa um leið að hlusta á blaðrið í Gísla Marteini Baldurssyni.

Gísli er enda frægur fyrir það að þurfa að básúna skoðanir sínar á keppendum og lögum annarra þjóða og um leið benda á það sem honum finnst nauðsynlegt að áhorfendur taki eftir og veiti athygli.

Því hefur verið í gildi appelsínugul Höskuldarviðvörun undanfarin ár þegar Júragarðinum hefur verið sjónvarpað og áhorfendur margir hverjir búnir að eyðileggja „mute“ takkann á fjarstýringum sínum vegna ofnotkunar.

Til eru dæmi um að fólk hafi hreinlega hent sjónvarpstækjum sínum fram af svölum eða fargað þeim á annan hátt, vegna óþols- og ofnæmiseinkenna sem margir finna fyrir þegar Gísli Marteinn opnar munninn.

En nú horfir allt til betri vegar því RÚV hefur kynnt til sögunnar nýja sjónvarpsstöð, RÚV 2, sem stofnunin lofar að verði 100%-Gísla-Marteins-laus.

Allir landsmenn geta því stillt á þessa stöð og notið þess að horfa á sirkusatriði Júragarðsins án þess að láta Gísla Martein trufla skemmtunina með hvellri rödd sinni og háværu gjalli.

Það sama gildir svo um framtíðina. Þegar „Vikan með Gísla Marteini“ verður sýnd á RÚV, þá geta áhorfendur kosið að skipta yfir á RÚV 2 þar sem „Vikan án Gísla Marteins“ verður í boði.






xB 2014

Telur Miðflokksmenn talsvert undir meðalgreindPálmi Gestsson sem tók þátt í rannsókn Attenborough á Miðflokknum segir niðurstöðu rannsóknarinnar í senn sláandi og afgerandi.

Miðflokksmenn séu augljóslega langt undir meðalgreind, en kjósendur þeirra þó enn vitlausari.





Fara efst á síðu