Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Reimar gæti ekki einu sinni lært á bréfdúfu.


Skilur ekki hvernig Bára gat lært á símann sinn Fjarri því að skilja síma sjálfur


Reimar Pétursson, lögmaður Miðflokksins og einn allra ruglaðasti rugludallur samtímans, skilur ekki baun í bala.

Hann segir ólíklegt að kona geti lært á smátölvu (síma) eins og þá sem Bára Halldórsdóttir var stödd með á Klaustri, kvöldi fræga. Til þess hefði hún þurft að stunda sérfræðinám áratugum saman og hún sé hreinlega ekki nógu gömul til þess að það stemmi.


Máli sínu til stuðnings bendir hann á að hann sé sjálfur ekki enn búinn að læra á skífusíma, hvað þá svona smátölvu sem sé sennilega ekki til nema í vísindaskáldsögum.

Að auki, þó svo að svona smátölvur væru til í alvörunni, þá sé afar grunsamlegt að fólk hafi þær meðferðis yfir höfuð og það bendi til þess að njósnaaðgerð Báru hafi verið þaulskipulögð. 

Sennilega af George Soros, Tyrion Lannister eða páfagauknum Kíkí. 

Að lokum segir Reimar að jörðin sé flöt, Elvis sé enn á lífi og búi á bóndabæ í nágrenni Patreksfjarðar og að tunglið sé í raun bara 17. júní-blaðra sem hann missti frá sér í æsku.

Hann brestur í grát undir lok setningarinnar og segist enn sakna blöðrunnar á hverri nóttu þegar hann sjái hana svífa hjá þar sem hann byltir sér í bólinu og upphugsar næstu skref í baráttunni gegn Báru.

Stundin






Herrann í Hádegismóum...






Fara efst á síðu