Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Brjóstmyndin er í miðjunni en Ólafur til hægri. Hægt er að kveikja og slökkva á geislaverðinu.


Brjóstmynd á Bessastöðum Bræddi hjörtu viðstaddra


Glæsileg brjóstmynd af fyrrverandi aðaleinvaldi Íslands, herra Ólafi Ragnari Grímssyni, sem fram að þessu hefur verið sveipuð djúpri dulúð, var loks afhjúpuð í dag við einstaklega hátíðlega og innilega athöfn.

Viðstaddir voru á einu máli um að brjóstmyndin líktist fyrirmynd sinni svo mjög að hún væri jafnvel líkari honum en hann sjálfur. Og þykir hann þó einstaklega líkur sjálfum sér.

Herra Ólafur segist áratugum saman hafa dáðst að listamanninum sem vann verkið, en verkið vann hann sjálfur, áratugum saman.

Að lokum vildi hann koma því á framfæri að ómögulegt væri að taka nógu skýrt fram að um væri að ræða brjóstmynd en ekki brjóstamynd „enda er ég ekki einu sinni á Instagram og kann varla á fótósjopp,“ eins og hann orðaði það sjálfur.






Herrann í Hádegismóum...

Íhuga að breyta gangi klukkunnarRíkisstjórn Íslands íhugar nú bæði í gríni og af fullri alvöru að breyta gangi klukkunnar. Nokkrar hugmyndir eru uppi á borðinu, hver annarri betri.

Ein hugmyndin er sú að lengja sólarhringinn um eina klukkustund eða svo. Þá hafi fólk meiri tíma til að vinna.

Önnur hugmynd er að stytta sólarhringinn um allt að tólf klukkustundir, svo fólk hafi ekki tíma til neins nema að vinna. Að auki verður þá enginn tími fyrir fólk til þess að kvarta undan ríkisstjórninni.





Fara efst á síðu