Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Hver þarf útsýni þegar hann hefur innsýni?


Ofsalegt ofsaveður í kortunum Skyggni ágætt á jörðu niðri, en nánast ekkert úr fílabeinsturninum


Veðurspáin fyrir næstu daga er ekki góð. Útlit er fyrir vaxandi hroka og suðvestan sjálfumgleði með mikilli mannfyrirlitningu um miðja viku.

Vinstri græn viðvörun hefur verið virkjuð fyrir N-vert landið. Á S-landi er útlit fyrir kraftlítinn Framsóknarstorm í vatnsglasi, með tilheyrandi úrkomu, úrtölum og almennu umkomuleysi.

Skyggni úr fílabeinsturni elítunnar verður enn verra en venjulega og er það þó æði takmarkað þegar veður er gott.

Kólnar þegar líður á vikuna. Helblá og sjálfhverf Sjálfstæðislægð fer yfir landið og leggur híbýli verkafólks í rúst, en hlífir alveg marmarahöllum auðmanna.

Birtir aftur upp eftir næstu kosningar.

Þessi spá gildir að eilífu, amen.






xB 2014

Íhuga að breyta gangi klukkunnarRíkisstjórn Íslands íhugar nú bæði í gríni og af fullri alvöru að breyta gangi klukkunnar. Nokkrar hugmyndir eru uppi á borðinu, hver annarri betri.

Ein hugmyndin er sú að lengja sólarhringinn um eina klukkustund eða svo. Þá hafi fólk meiri tíma til að vinna.

Önnur hugmynd er að stytta sólarhringinn um allt að tólf klukkustundir, svo fólk hafi ekki tíma til neins nema að vinna. Að auki verður þá enginn tími fyrir fólk til þess að kvarta undan ríkisstjórninni.





Fara efst á síðu