Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd



Hommar mega mögulega kannski gefa blóð Ef þeir hætta að vera hommar


Ráðgjafanefnd um fagleg málefni blóðbankaþjónustu hefur komist að þeirri niðurstöðu að mögulega megi hommar gefa blóð einhvern tímann í fjarlægri og ófyrirsjáanlegri furðuframtíð.

„En bara ef þeir hætta að vera hommar í allavega eitt ár eða kannski pínu meira,“ útskýrir Már Kristjánsson formaður nefndarinnar.

„Þetta er alveg ægilega svaka flókið mál. Ég er búinn að brjóta heilann minn og setja hausinn í blautt og þannig og pæla alveg fullt, en ég fæ bara hausverk í hugsunarheilann minn af því að pæla svona yfir mig um homma,“ bætir hann við.

Már segir að það sé ekki sjálfgefið að almennir blóðþegar vilji yfir höfuð þiggja hommablóð.

„Nema ef þeir hafa ekki verið alvöru hommar í smá langan tíma. Af því að maður veit ekkert hvað gerist ef hommablóð blandast saman við venjulegt blóð í venjulegum manni sem er ekki neitt hommi.

Kannski breytist hann strax í homma, en kannski bara smám saman eða einhvern tíma seinna. Fyrst inni í sér þar sem blóðið er aðallega, en svo utan á sér og þannig. Þá fer hann kannski að tala asnalega og drekka asnalega bleika kokteila og ganga í asnalegum bleikum kjólum og vera í asnalegum bleikum skóm og með asnalegt bleikt hár. Og þá verður örugglega konan hans rosa fúl. Nema auðvitað ef hún fær sér líka hommablóð og verður kannski alveg klikkaður kvenhommi.

Að lokum segir Már að nauðsynlegt sé að kynna málið ítarlega fyrir þjóðinni áður en hægt er að breyta stefnu Blóðbankans „því sumir viti kannski ekki einu sinni að hommar séu kannski til og hvort þeir séu kannski með hættulegt blóð og þannig.“






Eldhúsdagsdansinn

Íhuga að breyta gangi klukkunnarRíkisstjórn Íslands íhugar nú bæði í gríni og af fullri alvöru að breyta gangi klukkunnar. Nokkrar hugmyndir eru uppi á borðinu, hver annarri betri.

Ein hugmyndin er sú að lengja sólarhringinn um eina klukkustund eða svo. Þá hafi fólk meiri tíma til að vinna.

Önnur hugmynd er að stytta sólarhringinn um allt að tólf klukkustundir, svo fólk hafi ekki tíma til neins nema að vinna. Að auki verður þá enginn tími fyrir fólk til þess að kvarta undan ríkisstjórninni.





Fara efst á síðu