Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Þeir sletta kampavíninu sem eiga það.


Sömu skattahækkanir um áramót og venjulega Ráðherrar hafa ekki hugmyndaflug í neitt annað


Hugmyndaauðgi íslenskra ráðamanna er ekki meiri en svo að um hver einustu áramót hækka þeir skatta og gjöld á sömu þrjá vöruflokkana.

Áfengi, tóbak og bensín. 


Ekki þótti þeim það þó duga um þessi áramót, því nú þarf líka að hækka skylduáskriftina að RÚV. Í staðinn á að fjölga gestum í þætti Gísla Marteins úr þremur í þrjá og hálfan og lengja þáttinn um 90 sekúndur. Ekki stendur þó til að gera innskot Atla Fannars fyndnari enda er þeirra helsti tilgangur eingöngu að draga úr tímanum sem Gísli sjálfur er á skjánum.

Bjarni Benediktsson fjármálaráðherra segir það hins vegar enga slysni að skattar og gjöld á þessa tilteknu flokka séu alltaf hækkaðir.

„Fólk sem keyrir blindfullt, reykjandi í bílnum og með útvarpið í botni, það er bara snarklikkað og hefur ekkert betra við sitt fé að gera en að skila því beint aftur í ríkiskassann. Þar get ég tekið við því og dreift til þeirra efnameiri, sem kunna með fé að fara.“

Bjarni segir þessar hækkanir líka svo sniðugar, því þetta séu allt vörur sem séu niðurgreiddar fyrir þingmenn.

„Í staðinn fyrir að borga fyrir bensín, þá fáum við borgað fyrir að eyða bensíni. Og allar okkar veislur eru auðvitað á kostnað skattgreiðenda. Þannig að það er ekki nóg með almenningur þurfi að borga ofurskatta af sínu bjórsulli, heldur líka kampavíninu sem ég þamba í frístundum!“ segir Bjarni að lokum, kampakátur í orðsins fyllstu merkingu.






Herrann í Hádegismóum...

Íhuga að breyta gangi klukkunnarRíkisstjórn Íslands íhugar nú bæði í gríni og af fullri alvöru að breyta gangi klukkunnar. Nokkrar hugmyndir eru uppi á borðinu, hver annarri betri.

Ein hugmyndin er sú að lengja sólarhringinn um eina klukkustund eða svo. Þá hafi fólk meiri tíma til að vinna.

Önnur hugmynd er að stytta sólarhringinn um allt að tólf klukkustundir, svo fólk hafi ekki tíma til neins nema að vinna. Að auki verður þá enginn tími fyrir fólk til þess að kvarta undan ríkisstjórninni.





Fara efst á síðu