Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Sigmundur ætlar að skrifa undir samning við Man. U. á morgun ef ekki er um samsæri að ræða.


Sigmundur Davíð tekur við Manchester United Óumflýjanlegur arftaki Mourinho


Stjórn Manchester United hefur komist að samkomulagi við Sigmund Davíð Gunnlaugsson sem felur í sér að hann muni taka við stjórn liðsins.

Í tilkynningu frá stjórninni segir að Sigmundur sé augljóslega rétti maðurinn til að halda áfram því góða starfi sem Jose Mourinho náði því miður ekki að klára hjá félaginu, áður en nauðsynlegt var að reka hann.


Báðir kjósi þeir svipaðan leikstíl, kunni best við sig í nauðvörn og leggi mikla áherslu á að liðsmenn sínir skori sem flest sjálfsmörk.

Hvorugur þeirra hafi nokkurn áhuga á ungliðastarfi og eins sé það sameiginlegur kostur í fari þeirra að telja sjálfa sig merkilegri en aðra.

Það sem hafi þó endanlega gert útslagið og tryggt ráðningu Sigmundar hafi verið hversu duglegur hann er við að kenna öðrum um ófarir sínar og á sama tíma algjörlega ófær um að axla ábyrgð á eigin gjörðum.

Þannig muni hann pottþétt eiga eftir að kenna liðsmönnum sínum um ef illa gengur, sem og dómurum, áhorfendum, veðrinu og gengi íslensku krónunnar.

En íslenska þjóðin getur allavega glaðst mikið. Ekki einungis vegna þess að hún losni við Sigmund Davíð af alþingi Íslendinga heldur einnig vegna þess að á næstu misserum mun hún í fyrsta sinn verði vitni að því þegar Sigmundur Davíð verður rekinn úr starfi.

Eitthvað sem almenningur hefur beðið eftir lengi, lengi, lengi, lengi, lengi.

Ef ekki lengur.






Telur Miðflokksmenn talsvert undir meðalgreindPálmi Gestsson sem tók þátt í rannsókn Attenborough á Miðflokknum segir niðurstöðu rannsóknarinnar í senn sláandi og afgerandi.

Miðflokksmenn séu augljóslega langt undir meðalgreind, en kjósendur þeirra þó enn vitlausari.
Herrann í Hádegismóum...






Fara efst á síðu