Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Skýringar Sigmundar verða að teljast nokkuð rökréttar. Enda fylgja sönnunargögn með.


Skýringin á selahljóðinu fundin Ólíklegasta skýringin reyndist líklegust


Sigmundur Davíð Gunnlaugsson, formaður Miðflokksins og einn af reyndari Klausturförum Alþingis, segist vita með nokkurri vissu hver uppruni „selahljóðsins“ sé.

Sigmundur segist aðhyllast róttæka óskynsemishyggju. Hann beiti „Occam's razor“ oft í sínum daglegu störfum, til að kryfja mál til mergjar og komast að kjarna þeirra eða hismi.


„Occam's razor, sem á íslensku mætti kalla rakvélina hans Óskars, er ákveðin meginregla sem alltaf má styðjast við. Hún snýst um það að ef að tvær eða fleiri kenningar eru á lofti um sama hlutinn eða fyrirbærið þá er sú ólíklegasta alltaf rétt, svo fremi að hún sé jafnframt einföldust, eða sé á einhvern hátt ótrúlega fáránleg,“ útskýrir Sigmundur alvarlegur á svip, en tiltölulega ódrukkinn að sjá.

„Og ef maður hefur þetta í huga varðandi möguleg selahljóð á Klaustri, þá er eina rökrétta, gáfulega og trúlega skýringin sú að þar hafi verið staddur selur.

Hvaðan sá selur hafi komið og í hvaða erindagjörðum hann hafi verið, er algjört aukaatriði í þessu máli, enda snýst það um hljóðið en ekki selinn,“ bætir hann við ákveðinn á svip.

„Kannski var þetta selur úr Húsdýragarðinum sem poppaði bara inn til þess að fá sér einn kaldan. Hver veit?“

Sigmundur segir að það sé þekkt staðreynd að selir séu upp til hópa bæði drykkfelldir og lausmálga.

Þannig sé ekki hægt að útiloka að selurinn beri einnig ábyrgð á meginþorra þeirra neikvæðu ummæla sem heyra má á upptökunum.






Eldhúsdagsdansinn






Fara efst á síðu