Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Magnús segir að myndin af sér sé í frábærri upplausn. En að engin upplausn ríki í myndinni.


Segir íslenskt heilbrigðiskerfi frábært Í þykjustunni


Magnús Haraldsson geðlæknir segir að sér finnist miklu þægilegra að búa í landi þar sem heilbrigðiskerfið er frábært, eða jafnvel fullkomið.

Íslenska heilbrigðiskerfið hafi hins vegar árum ef ekki áratugum saman búið við fjársvelti, niðurskurð, úrræðaleysi og manneklu.

Því sé ekkert til ráða annað en að fara í ímyndunar- og þykjustuleik. Í þeim leik sé íslenska heilbrigðiskerfið best í heimi.


Magnús segir að það ætti ekki að vera erfitt fyrir sjúklinga, aðstandendur og Íslendinga almennt að taka þátt í slíkum leik, því ráðamenn þjóðarinnar hafi verið í honum um árabil.

Hann hvetur fjölmiðla til að ritskoða sjálfa sig, og hætta að flytja niðurdrepandi fréttir af heilbrigðiskerfinu, þó þær kunni að vera sannar.

Í staðinn megi t.d. flytja fallegar fréttir af krúttlegum kettlingum.

Magnús biðlar til allra fréttamannategunda að taka upp samskonar vinnubrögð í sínum störfum.

Þannig eigi veðurfréttamenn eingöngu að flytja okkur fréttir af góðu veðri. Alfarið verði bannað að flytja veðurfréttir þegar lægðir nálgast landið. Í staðinn verði sýnd skemmtileg myndbönd af kátum kettlingum.

Sama skuli gilda um íþróttafréttamenn. Eingöngu verði fluttar fréttir af glæstum sigrum íslenskra landsliða, en umfjöllun um tapleiki verði alveg sleppt.

Í staðinn sé hægt að sýna myndbönd af kynlegum uppátækjum kostulegra kettlinga.

Að lokum segir Magnús að lífið sé yndislegt. Líka þegar það er það ekki.

Eyjan
Vísir






xB 2014






Fara efst á síðu