Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Halldór á ýmsar glærur og Excel skjöl sem hann segir að sanni mál sitt.


Aukinn ójöfnuður er öllum bestur Best fyrir þá verst settu að vera verst settir


Halldór Dópamín Þorbergsson, framkvæmdastjóri Samtaka Auðkýfinga (SA), segir það ekki koma til greina að hinir farsælu og frábæru íslensku auðmenn geri oggoponsu betur við starfsfólk sitt.

Að sögn hans er krafa þeirra verst settu, að fá nægilega há laun til þess að geta mögulega skrimt af þeim ef ekkert óvænt kemur upp á, ekki í neinu samræmi við raunveruleikann.


Allar launahækkanir hafi nefnilega neikvæð áhrif á auðssöfnun og arðgreiðslur atvinnurekenda.

Halldór segist geta útvegað blaðamanni súlu-, köku- og klámrit af ýmsum toga, sem sanni að íslenskir öreigar hafi það miklu betra en fátæklingar annars staðar.

Að auki segist hann eiga gamalt og útprentað Excelskjal, þar sem það sjáist svart á hvítu, þó að skjalið sé nokkuð krumpað, að það sé bara miklu betra að vera fátækur en ríkur.

Halldór segir að þessa gallhörðu og ósanngjörnu afstöðu samtakanna megi alls ekki túlka á þann veg að þau vilji ekki á nokkurn hátt koma til móts við kröfur launþega.

„Nei, nei, við erum með alveg útpældar og ótrúlega sniðugar hugmyndir um það hvernig við getum bætt líf þeirra og starfsumhverfi. Við viljum t.d. hætta að greiða fyrir kaffi- og matartíma, af því að kaffi er frekar óhollt, og margir eru allt of feitir og hafa hreinlega ekki gott af mat.

Svo viljum við setja upp kojur á vinnustöðum, svo starfsfólk geti unnið myrkranna á milli, án þess þó að fá krónu í yfirvinnu, því kojurnar koma í staðinn sko. Þá þarf starfsfólk heldur ekkert að fara heim á milli vakta. Þannig má spara bensínkostnað og draga stórlega úr umferðaröngþveiti. Þá geta forstjórarnir ekið glæsibifreiðum sínum í friði á götunum, og allir unað glaðir við sitt, ekki satt?

Og við erum jafnvel tilbúnir til þess að skoða hvort ekki sé rétt að setja kopp nálægt hverri vinnustöð, nú eða bleiur á starfsfólk, svo það sé ekki að sóa tíma sínum og fjármunum vinnuveitanda síns í óþarfa klósettferðir.“

Stundin






Eldhúsdagsdansinn






Fara efst á síðu