Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Hannes teiknaði eina krullu á ári, og náði að fullkomna verkið á 10 ára afmæli hrunsins.


Loksins búinn að skila skýrslunni Fjármálaráðherra hæstánægður með verkið


Doktor prófessor Hannes Hólmsteinn Gissurarson hefur loks skilað af sér kyngimagnaðri og kjarnyrtri skýrslu sinni um bankahrunið.

Skýrslan ber heitið „Flottasda sgírslan mín - Eki okkur að kenna - hrágasmíð að hætti húsins“, og er ein síða að lengd. Strangt til tekið bara hálf, því helmingur síðunnar fer undir teikningu af ritstjóra Morgunblaðsins, sem er helsta átrúnaðargoð og ástarpungur skýrsluhöfundar.


Hannes segir ekkert óeðlilegt við að skila skýrslunni 30 árum of seint.

„Sko fyrst skrifaði ég rosa rosa langa skýrslu og skilaði henni fyrir fram á undan áætlun og allt of snemma. Þá var hún örugglega svona milljón síður eða eitthvað. En svo stytti ég hana, og svo stytti ég hana aftur, og svo stytti ég hana aftur og aftur.

Og að lokum þá bara stytti ég hana alla leið sko“, útskýrir doktor prófessor Hannes, spekingslegur á svip að vanda.

Hann segir niðurstöðu skýrslunnar skýra og skorinorta, enda hafi hann verið búinn að ákveða hana fyrir fram.

Niðurstaðan er svo einnig undirtitill skýrslunnar, sem og allt hennar innihald:

„Úglendingar eru ruddar, og Ísglendingar eru eki flón.“

Spilltasti stjórnmálamaður landsins fær afhenta skýrsluna sem hann pantaði af heimskasta háskólamanninum
Enn bólar ekkert á skýrslunni
Fékk 10 milljónir að gjöf frá ríkinu






xB 2014






Fara efst á síðu