Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Talið er að ráðherrann kunni að leynast á þessari mynd.


Litleysi ráðherra til vandræða Bara svo innilega óeftirminnanlegur


Mikið vandræðaástand hefur skapast í Velferðarráðuneytinu, eftir að í ljós kom að starfsfólk ráðuneytisins veit ekki hver er félags- og jafnréttismálaráðherra.

Að sögn sérfræðinga ráðuneytisins, er ástæðan líklega sú að ráðherrann er algjörlega og fullkomlega litlaus persóna.


„Sko, vandamálið er margþætt“, útskýrir ónefndur ráðuneytisstjóri sem ekki vill láta nafns síns getið.

„Starfsfólk ráðuneytisins man ekki nafn ráðherrans, þekkir hann ekki í sjón, og þekkir ekki rödd hans í síma.

Hann er bara svona fullkomlega litlaus. Svo litlaus að hann er eiginlega bæði gagnsær og gegnsær og þú veist, nánast alveg glær bara. 

Kannski er hann svona til að bregðast við kröfu um aukið gagnsæi í stjórnsýslunni, en þetta er nú einum of sko. 

Hann þarf iðulega að ferðast með leigubíl, af því að einkabílstjórinn hans hleypir honum ekki inn í bílinn. Og það hefur meira að segja komið fyrir oftar en einu sinni að ráðherranum hefur verið vísað á dyr hér í ráðuneytinu, af því að öryggisverðir töldu hann vera boðflennu“, bætir ráðuneytisstjórinn við og klórar sér ákaft í hausnum í von um ná að rifja upp nafn ráðherrans.

Ekki náðist í félags- og jafnréttismálaráðherra við vinnslu fréttarinnar.

Blaðamaður hugðist hafa samband við ráðherrann, en gat ómögulega munað nafn hans, símanúmer, netfang, kyn eða hárlit.


Ráðherrann hefur meira að segja reynt að mæta gríðarlega skrautlegur til vinnu, en starfsfólk ráðuneytisins man samt ekkert eftir honum.


RÚV

Tengdar fréttir:
Ældi yfir samferðafólk sitt
Rakst á Evrópusambandið heima hjá sér






Herrann í Hádegismóum...






Fara efst á síðu