Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Partí-Steini og Rasista-Pía sýna hér partífánann sem var sérstaklega saumaður fyrir þetta tilefni


Fína fólkið lyftir sér upp í miðju sumarfríi Almúganum ekki boðið, en samt boðið að greiða fyrir herlegheitin


Íslenska aðalelítan hélt í gær mikla og stórglæsilega veislu sjálfri sér til heiðurs. Engum var boðið nema þeim allra flottustu og frábærustu.

Smíðaður var sérstakur partípallur lengst úti í móa, svo almennir fátæklingar myndu ekki villast inn á meðal heldri borgaranna og skemma stemninguna.


Sérstakur heiðursgestur var eini opinberi rasistinn á norðurlöndum, Pía hin danska. Hæstiréttur Danmerkur hefur sérstaklega staðfest að hún sé bæði löggildur og löggiltur rasisti.

„Það var því alveg sérstakur heiður að fá hana til að mæta og básúna yfir okkur kjaftæði og þannig“, útskýrði Steingrímur J. Sigfússon veislustjóri og partíljón, á milli þess sem hann reykti, drakk og gúffaði í sig snittur og sætabrauð.

„Það eina sem hefði verið betra er ef að Trump hefði komist, því hann er ennþá meiri rasisti og ógeð. En hann var upptekinn við að rústa efnahagskerfi heimsins, því miður.“

Veislan mikla kostaði ekki nema 80 87 milljónir, sem þykir ekki mikið fyrir slíka elítuveislu með partípalli og hljómsveit. Allir í partíinu voru sammála um að gáfulegri leið til að eyða 80 87 milljónum væri vandfundin.

Að loknum ræðuhöldum og rauðvínsþambi brunaði elítan í lögreglufylgd til höfuðborgarinnar þar sem djammað var áfram í boði skattgreiðenda fram á rauða nótt.

Eða alveg þangað til elítan fór beint aftur í sumarfrí sem mun standa fram að jólafríi.

Egill






„Löggulíf“

Íhuga að breyta gangi klukkunnarRíkisstjórn Íslands íhugar nú bæði í gríni og af fullri alvöru að breyta gangi klukkunnar. Nokkrar hugmyndir eru uppi á borðinu, hver annarri betri.

Ein hugmyndin er sú að lengja sólarhringinn um eina klukkustund eða svo. Þá hafi fólk meiri tíma til að vinna.

Önnur hugmynd er að stytta sólarhringinn um allt að tólf klukkustundir, svo fólk hafi ekki tíma til neins nema að vinna. Að auki verður þá enginn tími fyrir fólk til þess að kvarta undan ríkisstjórninni.





Fara efst á síðu