Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Pottar eru ein af lífsins ráðgátum sem Ásmundur vill gjarnan komast til botns í.


Illa gefinn þingmaður skilur ekki neitt Nema launaseðilinn sinn


Ásmundur Svifryksson, ökuþór og lukkutröll Sjálfstæðisflokksins, segist lítið botna í lífinu. Hann skilji ekkert í samfélagi sínu, samferðafólki, fjölmiðlum, veðrinu, eða sjónvarpsdagskránni.

Hann segir að allt grín sé í sínum augum óskiljanlegt, ef ekki móðgandi, sem og alvarlegri umræða einnig.


Að auki skilji hans alls ekki grænmetisætur, hjólreiðafólk, trúleysingja, gosdrykki, farfugla, litabækur, og ljóðskáld. Hann tekur einnig sérstaklega fram að hann skilji ekki fiska, bara alls ekki og engan veginn.

Ásmundur segir þó að þetta átakanlega skilningsleysi hái honum alls ekki í störfum sínum á þingi, því þar sé hvorki ætlast til þess að hann hugsi né skilji.

Þar sé það hans eina hlutverk að greiða atkvæði eftir flokkslínum, og að vera duglegur að borða í mötuneytinu. Ásamt því auðvitað að leggja stund á sjálftöku úr opinberum sjóðum. Fyrir þetta fái hann ríkuleg ríkislaun, sem eru íhaldsmönnum svo mjög að skapi, þegar þau lenda í þeirra vasa en ekki annarra, sem þurfa meira á þeim að halda. Og stundum fái hann líka klapp á bakið, eða blíða stroku um vanga frá formanni flokksins.

Þetta segist þingmaðurinn skilja fullkomlega. Hann viðurkennir að það hafi komið sér mjög á óvart, og að hann skilji varla hvernig stendur á því að hann skilur það. 

Eyjan
Miðjan






Herrann í Hádegismóum...






Fara efst á síðu