Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Ísak er kominn með tvær tennur, og því ekki seinna vænna að koma honum á ríkisspenann.


Ástæðulaust að reyna að fela spillinguna Kjósendum flokksins er skítsama


Það vakti athygli í síðustu viku þegar Bjarni Benediktsson, fjármálaráðherra og Panamaprins, kom enn einum flokksgæðingi á ríkisspenann. Þá gerði hann Ísak Erni Kristinsson (3) að stjórnarformanni Kadeco. Kadeco er félag sem hefur þegar þjónað tilgangi sínum og innan þess fer ekki lengur fram nein starfsemi. 

En í stað þess að leggja félagið niður, sá Bjarni tækifæri til þess að koma enn einum flokksgæðingi á spenann, eins og fyrr segir.

Ísak fær því framvegis 270 þúsund krónur að gjöf frá ríkinu mánaðarlega.


Ísak hefur verið virkur innan Sjálfstæðisflokksins frá fæðingu og á að baki glæstan feril. Hann hefur t.d. farið á nokkra körfuboltaleiki, spilað tölvuleiki, pissað í bleiu, og farið í fljúvél. Hann á marga bangsa, búinn að læra að þekkja þrjá stafi og næstum því þann fjórða, og finnst jarðarber svaka góð.

Gys.is náði tali af Bjarna, en hann er staddur á Ítalíu, þar sem hann sleikir sólina og leggur stund á mafíósafræði.

Bjarni segir að þó 270 þúsund séu vissulega ekki há upphæð fyrir sjálfstæðismenn, þó hún sé það eflaust fyrir venjulegt skítapakk sem kýs aðra flokka, þá sé þetta mikilvægt skref í viðhaldi spenamenningar flokksins.

Aðspurður hvort þetta sé nú ekki einum of augljós spillingarbitlingur, og það fyrir allra augum, segir Bjarni að það skipti engu máli.

Það sé ástæðulaust með öllu að reyna að fela hyldjúpa spillingu Sjálfstæðisflokksins, því að kjósendum hans sé skítsama. Og þeir séu einmitt fleiri en kjósendur annarra flokka.

Það sé alveg sama hversu mörg eða alvarleg spillingarmál koma upp á yfirborðið, alltaf haldi flokkurinn sínu.

Bjarni segir að í grófum dráttum megi skipta kjósendum flokksins í þrjá hópa.

„Það eru þeir sem fylgjast ekkert með pólitík, og svo hinir sem eru bara of vitlausir, og kjósa alltaf flokkinn, af því bara“

„Og svo er auðvitað fjórðasti hópurinn, en það eru þeir sem fylgjast ekki með, en eru líka rosalega vitlausir, skilurðu“, segir formaður stærsta spillingarflokksins að lokum, og er greinilega ánægður með lífið á Ítalíu, sem og íslenska kjósendur.

Stundin






Eldhúsdagsdansinn






Fara efst á síðu