Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Ísleifur Kaldal


Íslandsmeistaramót í ísköldu ísbaði Æsispennandi keppni, eða þannig


Íslandsmeistaramótið í ísköldu ísbaði verður haldið í dag í sundlauginni í Grindavík á Sauðárkróki. Í fyrra var hún haldin á Blönduósi á Ísafirði.

Tilgangurinn með keppninni er fyrst og fremst að benda á hversu óholl og andstyggileg ísböð eru, ásamt því að kæla niður eina keppandann, og skipuleggjanda keppninnar, Ísleif Kaldal.


Keppnin fer þannig fram að Ísleifur sest í illa þrifið og hálffrosið fiskikar í nokkrar sekúndur, og tekur að því loknu upp titilinn „Eini og aðal íslandsmeistarinn í ísköldu ísbaði“, og saumar sér borða með samskonar áletrun.

Vonast er til að hann föndri einnig pappakórónu með stjörnum og kisumyndum, en á þessum tímapunkti er staðan í þeim málum frekar óljós.

Rannsóknir sýna að ísböð eru í besta falli óheilsusamleg, en í versta falli banvæn.

Til að gæta fyllsta öryggis verður því örbylgjuofn á staðnum til að hita keppandann, og hann fær einnig afhentan bækling frá útfararþjónustu Grindavíkur á Sauðárkróki.

Ísleifur segir að öllum sé velkomið að fylgjast með keppninni, nema fyrrverandi eiginkonu hans.

Keppnin hefst stundvíslega klukkan 17:03 og lýkur um sama leyti.


Hér má sjá Ísleif á leið til keppni í morgun.


Mbl.is






xB 2014

Íhuga að breyta gangi klukkunnarRíkisstjórn Íslands íhugar nú bæði í gríni og af fullri alvöru að breyta gangi klukkunnar. Nokkrar hugmyndir eru uppi á borðinu, hver annarri betri.

Ein hugmyndin er sú að lengja sólarhringinn um eina klukkustund eða svo. Þá hafi fólk meiri tíma til að vinna.

Önnur hugmynd er að stytta sólarhringinn um allt að tólf klukkustundir, svo fólk hafi ekki tíma til neins nema að vinna. Að auki verður þá enginn tími fyrir fólk til þess að kvarta undan ríkisstjórninni.





Fara efst á síðu