Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Ólafur er þegar byrjaður að æfa sig.


Gengur bundinn til kosninga Vill með því gefa stjórnmálamönnum bindandi fyrirmæli


Ólafur Ó. Ólafsson, óbreyttur kjósandi á Ólafsfirði, hefur ákveðið að ganga bundinn til kosninga.

Hann segist hafa velt því fyrir sér árum saman hvers vegna íslenskir stjórnmálamenn geti ekki gert hið sama, og hafi ákveðið að sýna þeim nú í eitt skipti fyrir öll að þetta sé vel framkvæmanlegt.


Ólafur bindur vonir við að athæfi hans muni binda endi á að flokkar gangi óbundnir til kosninga. 

Hann hyggst leggja snemma af stað í fyrramálið, og vonast til að vera búinn að kjósa um hádegisbil.

Ástæðan fyrir því hversu langan tíma hann áætlar í verkið er sú að hann verður bundinn í báða skó. Hann mun þó ferðast á bundnu slitlagi til að auðvelda sér för.

Ekki er ólíklegt að atkvæði Ólafs verði talið ógilt, þar sem hann hefur ákveðið að skila því í bundnu máli.






„Löggulíf“






Fara efst á síðu