Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Ljósmyndari Sjálfstæðisflokksins náði að láta þá kumpána líta út fyrir að vera nánast jafn háir.


Stóð eins langt frá Eyþóri og hann gat En það dugði ekki til


Bjarni Benediktsson, formaður Sjálfstæðisflokksins segir alls kyns vesen fylgja því að hafa Eyþór Arnalds í framboði.

Það þurfi að fótósjoppa allar myndir af honum og Hildi Björnsdóttur sem skipar annað sæti, því það sé ómögulegt að karlmaður í fyrsta sæti sé lægri en kvenmaður í öðru sæti.


Bjarni segir einnig að hann hafi fengið alveg nóg af þessu í gær, þegar hann var á kosningaloforðafundi með Eyþóri.

„Ég reyndi að standa eins langt frá honum og ég gat svo að stærðarmunurinn væri ekki alveg augljós. Svo beygði ég mig aðeins í hnjánum og hallaði hausnum og reyndi að standa pínu skakkur, en hann náði mér samt bara í mitti“, útskýrir formaðurinn ráðþrota á svip.

Bjarni segir að flokksljósmyndarinn hafi þó að lokum fundið lausn á þessu. 

„Hann snéri myndavélinni bara á ská, og beygði sig og buktaði fyrir framan Eyþór, og þá bara lítur allt í einu út fyrir að Eyþór litli sé næstum því jafn stór og ég!“

Þetta trix mun að sögn Bjarna verða notað áfram í kosningabaráttunni. Héðan í frá verða allar myndir af Eyþóri á ská, og verulega fótósjoppaðar.

Til vara fær Eyþór hælaskó Hildar að láni, en hún verður berfætt fram að kosningum.


Svona er stærðarmunurinn hins vegar í raunveruleikanum.


Eins og sjá má þá er Hildur hærri en Eyþór...


En Eyþór orðinn hærri eftir að fótósjoppmeistari flokksins hefur lokið sér af!






Eldhúsdagsdansinn






Fara efst á síðu