Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Eyþór er styrktur í bak og fyrir, eins og sjá má á kosningabúningi hans


Neyddist til að skila styrknum Fyrst það komst upp um hann


Eyþór L. Arnalds, broddviti sjálfstæðismanna í borginni, hefur endurgreitt að fullu þær 200 þúsund krónur sem hann hlaut í styrk frá MS.

Að sögn Egils Sigurðssonar, formanns stjórnar MS, voru mannleg mistök ástæða þess að upp komst um styrkveitinguna.


„Auðvitað átti að hvíla fullkomin leynd yfir þessum styrk, rétt eins og alltaf þegar við förum illa með fé“, útskýrir Egill og þambar ákaft af mjólkurglasi sínu.

„En svo fóru einhverjir kolvitlausir kúabændur að skoða leynileyndóbókhaldið okkar, og þá föttuðu þeir allt og þannig“, bætir hann við og hellir sér í annað glas.

„En Eyþór er búinn að endurgreiða okkur styrkinn, og þá hætta vonandi allir að skoða bókhaldið okkar. MS hefur samt að sjálfsögðu skuldbundið sig til að greiða fyrir breytingu á kosningabúningnum hans, þú veist, af því að við þurfum auðvitað að láta fjarlægja lógóið okkar, svo þetta verði aftur alvöru leyndó, en ekki svona opinbert leyndó. Það kostar einmitt 200 þúsund krónur, þannig að við þurftum strax að endurgreiða Eyþóri endurgreiðsluna. Þannig að það eru bara allir þokkalega sáttir held ég...“

Mbl.is






Herrann í Hádegismóum...






Fara efst á síðu