Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Konráð hinn talnaglöggi.


Allt of há laun á Íslandi Sérstaklega hjá þeim lægst launuðu


Konráð S. Guðjónsson hagfræðingur Viðskiptaráðs hefur reiknað út að laun á Íslandi séu þau hæstu í heiminum og að það sama gildi um kaupmátt.

Að auki sé hvergi meiri jöfnuður, og þó að sumir séu vissulega örlítið jafnari en aðrir, þá væri miklu betra að þeir allra jöfnustu væru enn jafnari.


Hins vegar sé framleiðni hér nánast engin, og fólk almennt húðlatt og of vitlaust til að fatta hvað það hefur það frábært.

Sem lausn á vanda þessum leggur hann til að ójöfnuður verði aukinn verulega, eða eins og hann orðar það að það verði dregið úr jöfnuði hinna ójöfnustu. Hæstu laun hækkuð mikið, og þau lægstu lækkuð svo mikið að fólk þurfi að greiða með sér til að fá að vera í vinnu.

Konráð fer vinsamlegast fram á það að útreikningar hans verði ekki skoðaðir ofan í kjölinn, og að lesendur leiti sér ekki heimilda annars staðar.

Eyjan


Á þessu línu- og súluriti sem Konráð hannaði aleinn og sjálfur má sjá að laun á Íslandi eru vægast sagt himinhá í samanburði við önnur lönd.






Íhuga að breyta gangi klukkunnarRíkisstjórn Íslands íhugar nú bæði í gríni og af fullri alvöru að breyta gangi klukkunnar. Nokkrar hugmyndir eru uppi á borðinu, hver annarri betri.

Ein hugmyndin er sú að lengja sólarhringinn um eina klukkustund eða svo. Þá hafi fólk meiri tíma til að vinna.

Önnur hugmynd er að stytta sólarhringinn um allt að tólf klukkustundir, svo fólk hafi ekki tíma til neins nema að vinna. Að auki verður þá enginn tími fyrir fólk til þess að kvarta undan ríkisstjórninni.
Herrann í Hádegismóum...






Fara efst á síðu