Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Svona má á einfaldan hátt ofvernda börn.


Próf mismuna börnum Og brjóta gegn Barnasáttmála


Rakel Sölvadóttir, sérfræðingur í ofverndun barna, segir að sú hefð að leggja próf fyrir nemendur til að meta hæfni þeirra, sé fullkomlega úrelt fyrirkomulag, og feli í sér mismunun.

Nemendur séu misgóðir í mismunandi fögum og mislélegir í öðrum og fái því oft á tíðum mismunandi, misháar, og mislágar einkunnir.


Slíkt misræmi felur augljóslega í sér mismunun, að sögn Rakelar.

Hún leggur til að framvegis verði prófin annað hvort aflögð, eða þá að öllum nemendum verði úthlutað sömu einkunn, helst 10, svo námið hafi ekki skaðleg áhrif á jákvæða sjálfsmynd þeirra.

Sömu aðferð ætti svo að beita í tómstundastarfi barna. 

„Til dæmis í fótbolta. Krakkar eru misjafnlega góðir í fótbolta, og þeir bestu skora oftast flest mörk. Það er alveg augljós og óþolandi mismunun“, útskýrir Rakel.

Hún segir að best væri að leggja alfarið niður allt skóla- og tómstundastarf barna undir þrítugu. Sniðugast sé að geyma börnin á öruggu, sótthreinsuðu svæði og í vernduðu og smitvörðu umhverfi. 

Þar megi smyrja þau með bakteríudrepandi efni og pakka þeim inn í bómull og lof(t)bóluplast, og útskýra fyrir þeim daginn út og inn að þau séu einstök og frábær og geti gert hvað sem þau vilja í lífinu.

Bara svo lengi sem þau reyni ekki að bæta sig, og æfi sig ekki í neinu, en trúi í staðinn í blindni á eigið ágæti.

Svo eru til þeir sem eru algjörlega á öndverðri skoðun.

Pistill Rakelar






Herrann í Hádegismóum...






Fara efst á síðu