Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Þjóðin hefur þó orðið fyrir miklu meiri vonbrigðum með Katrínu og co


Vonbrigði að enn finnist fólk með samvisku í VG Völdin mun mikilvægari


Katrín Jakobsdóttir forsætisráðherra segir að það séu sér gríðarleg vonbrigði að Andrés Ingi Jónsson og Rósa Björk Brynjólfsdóttir, hafi ekki selt sálu sína og samvisku, eins og gert var ráð fyrir í stjórnarsáttmálanum.

Hún segir að það sé augljóst að þeir flokkar sem vilja sitja með Sjálfstæðisflokknum í stjórn þurfi að axla fulla ábyrgð á ráðherrum hans, sem og vanhæfni þeirra, axarsköftum og lögbrotum.


„Sigga var auðvitað löngu búinn að brjóta lög og sprengja ríkisstjórn þegar við ákváðum að mynda þessa nýju, glæsilegu og vinsælu stjórn, á þeim grundvelli að völd séu mikilvægari en pólitískur trúverðugleiki. Það er allt of seint að gera eitthvað í því núna. Skaðinn er skeður, skilurðu?“ - útskýrir Katrín, ráðalaus og rökþrota á svip.

Hún segir að VG þurfi að taka fullan þátt í ruglinu, bullinu, og sullinu, svo að sjálfstæðismenn taki ekki boltann sinn og fari heim í fýlu.

Aðrir ráðherrar og stjórnarliðar taka í sama g-streng. Sigurður Ingi, formaður Framsóknarflokksins og stærðfræðiséní, segir að eina leiðin til að draga úr vantrausti á Alþingi sé að auka það.

Páll Magnússon segist þess fullviss að ráðherrar í núverandi ríkisstjórn muni toppa frammistöðu Siggu, og fremja fleiri, markvissari og ógeðfelldari lögbrot.

Sjálf segist Sigga rosalega ánægð með að hafa verið valin spilltasta stúlkan á þessu þingi. 

„Ég er bæði hrist og hrærð yfir þessum mikla stuðningi samstarfsmanna minna sem sannfærir mig um að lögbrot mín hafa fram að þessu verið frábærlega vel heppnuð“, segir ráðherrann að lokum, stolt af því að hafa getað orðið flokki sínum til svo mikils gagns, og þjóð til ógagns.






Eldhúsdagsdansinn






Fara efst á síðu