Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Mögulega tilvonandi skýrsluhöfundur.


Enn bólar ekkert á skýrslunni Átti að vera tilbúin fyrir þremur árum


Hannes Hólmsteinn Gissurarson segir það ekki óeðlilegt að skil á skýrslum tefjist um 3 til 30 ár. Erfitt sé að áætla tíma til skýrslugerðar.

Mikilvægast sé að skýrslur séu skemmtilegar aflestrar og/eða bragðgóðar, og að mikið lof sé borið á Davíð Oddsson í þeim.


Hann viðurkennir að hann sé ekki enn byrjaður á skýrslunni, þrátt fyrir að hann hafi átt að skila henni fyrir þremur árum.

„Sko, ég fékk 10 kúlur greiddar fyrirfram, og þar með var allur hvati horfinn úr þessu ferli. Þó ég skili aldrei skýrslunni, þá er ég samt búinn að græða“, útskýrir prófessorinn.

Hannes segir það þó ekki rétt að hann ætli að skila skýrslunni á ensku (ef hann skilar henni yfir höfuð einhvern tímann), heldur verði hún skrifuð á svokölluðu hrognamáli.

„Skýrslur sem eru ritaðar á hrognamáli fá yfirleitt miklu mildari móttökur. Það nefnilega skilur enginn hrognamál, og þess vegna getur enginn gagnrýnt slíkan texta.“

Að lokum segir Hannes að ef hann nenni að klára skýrsluna, þá verði hún samt ekki svo torlesin.

„Ég reikna með því að megnið af skýrslunni verði í formi mynda og ljóða. Ég hef í áratugi teiknað myndir af Davíð Oddssyni, og ort um hann ljóð og lofsöngva. Ég held að skýrslan myndi bara njóta góðs af því að vera stútfull af slíku efni, sem og íslenska þjóðin öll.“


Tengdar fréttir:
Fékk 10 milljónir að gjöf frá ríkinu
Eyjan
Stundin






xB 2014






Fara efst á síðu