Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Ekki er ljóst hvort þessi mynd er af Agnesi sjálfri eða biskupnum.


Biskupinn fær launahækkun, en ekki Agnes Stór munur þar á


Frú séra Agnes segir það mikinn misskilning að hún njóti góðs af ákvörðun ofurkjararáðs, sem ákvað að biskup fengi afturvirka launahækkun um 21% í formi heilagrar eingreiðslu.

Það sé nefnilega ekki hún persónulega sem fái hækkunina, heldur biskupinn.


Þessu greindi hún frá í sérstakri jóla- og kjaramessu fyrir framan fjóra áhorfendur. Þrír þeirra voru ferðamenn sem höfðu villst inn í kirkjuna á ferð sinni um íslenska djammheima, en sá fjórði var einmitt blaðamaður Gys.is.

Hún segir að almenningur þurfi ekkert að bölsótast yfir þessari hækkun. Biskupinn hafi setið eftir í launum, og ekki sé hægt að ætlast til að hann lifi af engu nema þakklæti almættisins.

Að auki vilji svo vel til að hún, eða öllu heldur biskupinn, fari svo vel með fé.

„Ég mun sko ekki gera eins og forsetinn og eyða þessu í einhverja fáránlega vitleysu eins og góðgerðamál. Eða sko ég meina, biskupinn mun ekki gera það.

Alls ekki og engan veginn. Ég ætla að kaupa mér kampavín og kavíar, og jólakonfekt og jólabjór og aðrar slíkar nauðsynjar. Eða sko ekki ég persónulega, heldur biskupinn auðvitað.“

Vísir






xB 2014






Fara efst á síðu