Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Stjórnin fer frábærlega af stað - í könnunum. Mynd: Stundin


Vinsælasta ríkisstjórnin frá hruni Þó hún hafi enn ekkert gert


Nýja ríkisstjórnin nýtur gífurlegra vinsælda hjá þjóðinni, og samkvæmt nýjustu könnunum og mælingum þá styðja um 120% þjóðarinnar hana.

Engin stjórn hefur notið meiri stuðnings síðasta áratuginn. Síðasta stjórnin sem mældist með stuðning yfir 100% var ríkisstjórn Geirs H. Haarde sem mældist um tíma með 212% fylgi, en hún féll skömmu síðar í ónáð og hrökklaðist að lokum frá völdum undir trommuslætti Búsáhaldabyltingarinnar.


Stefna nýju ríkisstjórnarinnar er enda vel fallin til vinsælda. Fella á niður alla skatta og gjöld, en á sama tíma stendur til að stórauka útgjöld.

Eldra fólk er sérstaklega ánægt með ríkisstjórnina, enda þarf það í minna mæli að hafa áhyggjur af þensluáhrifum sem stefna hennar mun hafa, t.a.m. á verðtryggð húsnæðislán.

Margir eldri borgarar höfðu á orði að það besta við stjórnina væri hversu fallegt fólk sé í forsvari, og líka dálítið krúttlegt að hafa dýralækni með.

Hversu lengi þessir hveitibrauðsdagar endast skal ósagt látið, en þeir gætu hæglega enst í nokkra daga enn, og mögulega alveg þangað til kjósendur átta sig á því hverjir það eru í rauninni sem skipa hana.

Stundin
Vísir






xB 2014

Er orðinn leiður á að láta blekkja sigRagnar Róbertsson var dæmigerður kjósandi. Hann fylgdist lítið sem ekkert með stjórnmálum, skildi tæplega muninn á hægri og vinstri, og kaus alltaf Sjálfstæðisflokkinn. (Nema í fyrra þegar hann ætlaði að kjósa Bjarta framtíð og kaus þess vegna óvart Framsókn).

Gys.is fékk Ragnar í innilegt og einlægt helgarviðtal á þessum fallega miðvikudegi, þar sem hann ræðir á opinskáan hátt um líf sitt og nýja sýn hans á það, eftir að hann reif höfuðið upp úr sandinum, og opnaði augun. Augu sem aldrei höfðu reynt að sjá sannleikann, sem þó er alltumlykjandi.





Fara efst á síðu