Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Fréttir Myndir Gullkorn Gyssurar Þjóðargersemi Sigm Und-ur Ýmislegt Könnunin Fréttabréf Samband
Loka valmynd

Nýi þingmannasvipur Kolbeins inniheldur nákvæmlega mátulega mikið yfirlæti. Mynd: Kristinn Magnússon


Vill að fólk haldi kjafti og sýni tilhlýðilega virðingu Ef ekki óttablandna aðdáun


Kolbeinn Kafteinn Óttarsson Proppé segir það ósvífnar árásir á VG, að framámenn í öðrum flokkum skuli dirfast að hafa skoðanir á myndun nýrrar afturhaldsstjórnar.

„Það er löngu búið að kjósa, og kjósendur kjósuðu eins og þeir kjósuðu, og núna er það okkar heilaga skylda að gera hvað sem er til að komast til valda!“, útskýrir þingmaðurinn.


Hann segir að ekki megi útiloka samstarf við neinn, ekki einu sinni þá sem fjöldi þingmanna VG, þar á meðal hann sjálfur, hafi áður útilokað.

„Það er alveg útilokað að útiloka einhvern í svona stöðu þar sem allir eru innilokaðir“, segir hann, máli sínu til stuðnings.

Kolbeinn segir að öll gagnrýni á stjórnarsamstarf með Sjálfstæðisflokknum, sem og gagnrýni á stefnu Sjálfstæðisflokksins, verði flokkuð sem persónuleg ofbeldisárás á Katrínu Jakobsdóttur, og verði kærð til lögreglu, vinnueftirlitsins, vegagerðarinnar, og allra annarra stofnana sem málið kunni að varða.

Að lokum hvetur hann forsvarsmenn annarra flokka, sem og kjósendur VG, sem augljóslega hugnast ekki sú stjórn sem nú stendur til að mynda, til að grjóthalda kjafti og beygja sig og bukta sem best þeir geti fyrir Sjálfstæðisflokknum, því í því felist hin nýja félagshyggja.

Þetta segir Kolbeinn eftir kosningar.
Þetta sagði Kolbeinn fyrir kosningar.






„Löggulíf“

Er orðinn leiður á að láta blekkja sigRagnar Róbertsson var dæmigerður kjósandi. Hann fylgdist lítið sem ekkert með stjórnmálum, skildi tæplega muninn á hægri og vinstri, og kaus alltaf Sjálfstæðisflokkinn. (Nema í fyrra þegar hann ætlaði að kjósa Bjarta framtíð og kaus þess vegna óvart Framsókn).

Gys.is fékk Ragnar í innilegt og einlægt helgarviðtal á þessum fallega miðvikudegi, þar sem hann ræðir á opinskáan hátt um líf sitt og nýja sýn hans á það, eftir að hann reif höfuðið upp úr sandinum, og opnaði augun. Augu sem aldrei höfðu reynt að sjá sannleikann, sem þó er alltumlykjandi.





Fara efst á síðu